Fylgdu okkur á:

  • Facebook
  • Instagram
  • YouTube
  • Sýningar

    Hvalasafnið á Húsavík er eitt af fáum söfnum í heiminum sem er einungis tileinkað hvaldýrum. Í safninu eru ríflega 8 sýningarsalir með fjölbreyttum sýningum sem spanna náttúrufræði, list og vísindi.

    Hvalagangurinn

    Á Hvalasafninu má finna 11 beinagrindur af hvölum sem allir hafa dáið náttúrulegum dauðdaga, fyrir utan náhvalsgrind, en hún var gjöf frá Grænlenskum veiðimönnum.


    Steypireyður

    Beinagrindin á sýningunni er af 25 metra löngum steypireyð sem rak á land á Skaga síðsumars árið 2010. Grindin liggur á bakinu líkt og tíðkast þegar hvalhræ reka á land á náttúrulegan hátt.

    Myndaröð inni í sýningarrýminu sýnir ferlið við að draga hræið á land, hreinsun beinanna í hvalstöðinni í Hvalfirði og uppsetningu grindarinnar í Hvalasafninu á Húsavík.

    Ljósmyndir af steypireiðum í Skjálfandaflóa eru teknar af Christian Schmidt.

    Á stóru korti má sjá hversu oft steypireyðar hafa sést í Skjálfandaflóa frá 2017.


    Hvalnýtingarsýning

    Í maí 2017 opnaði ný og uppfærð hvalnýtingarsýning sem segir sögu hvalveiða við Ísland sem og sögu hvalaskoðunar.


    Hafið & Hvalirnir

    Listasýning eftir Renata Ortega

    Sumarið 2018 opnaði listasýning Renata Ortega í safninu og ber hún heitið Ocean & the whales

    Nánari upplýsingar um Renata má nálgast hér.

    Þema listasýninga á vegum Hvalasafnsins eru tenging við hvali og hafið. Nánari upplýsingar og umsóknir berist til heidar@hvalasafn.is.

    Sýningin mun standa út árið 2019.


    Líffræðsýningin

    Líffræðisýning safnsins gefur greinargóðar upplýsingar um þróun hvala, þroska, mökun og ætisleit.


    Heimildarmyndir

    Giants Of The Deep

    Myndin er í sýningu í kvikmyndasal safnsins á 2. hæð.

    Myndin fylgir einu ári í lífi hnúfubaka.

    Sýningartími: 60 mínútur.

    A Voice Above Nature

    Stuttmynd um þau áhrif sem menn hafa á lífríki hafsins með hljóðmengun og hávaða neðansjávar.

    Fiskar og sjávarspendýr nota hljóð til þess að eiga samskipti, rata og til að veiða. Heilu vistkerfin neðansjávar treysta á hljóðvarp til að lifa og dafna. 90% af vöruskiptum manna eru flutt milli svæða yfir hafið og á sama tíma missir vistkerfi hafsins rödd sína.

    Myndin er tekin upp í Skjálfandaflóa sumarið 2018.

    Sýningartími: 12 mínútur.

    Horfðu á A Voice Above Nature hér.

    Við mælum með að horfa á myndina með góðum heyrnatólum.