Menu
Allt síðan 1998 hefur Hvalasafnið á Húsavík lagt stund á rannsóknir, ýmist á eigin vegum eða í seinni tíð í samstarfi við aðrar stofnanir.
Rannsóknasetur Háskóla Íslands, Húsavík
Rannsóknasetur Háskóla Íslands á Húsavík var opnað árið 2007. Setrið sérhæfir sig í rannsóknum á sjávarspendýrum og frá tilkomu þess hefur rannsóknum á Skjálfanda að mestu verið stýrt af Rannsóknasetrinu.
Viðfangsefni rannsóknanna er m.a. ljósmyndagreining, köfunartími og búsvæði. Rannsakendur hafa aðstöðu um borð í hvalaskoðunarbátum, þar sem þeir safna gögnum í daglegum ferðum, þar sem skráðar eru upplýsingar um þær mismunandi tegundir sem sjást í flóanum. Fjöldi, staðsetning og hegðun dýranna skipta rannsakendur miklu máli. Rannsóknirnar nú beinast að algengustu tegundunum í Skjálfanda; hnúfubökum, steypireyðum, hrefnum og blettahnýðum. Annað slagið gefst tækifæri á að kanna aðrar tegundir svo sem háhyrninga og andanefjur. Með því að smella hér má nálgast frekari upplýsingar um þessar rannsóknir.
Hvalasafnið á Húsavík er sérhæft safn um hvali sem hefur þann megintilgang að stuðla að söfnun muna og sagna tengdum hvölum og hvalveiðum , skráningu þeirra og varðveislu. Auk þess er hlutverk þess að miðla fræðslu og upplýsingum um hvali og búsvæði þeirra á hagnýtan og áhugaverðan hátt og auðvelda þannig aðgang þjóðarinnar að slíkum upplýsingum. Með fræðslu um hvali og lífríki þeirra eykur Hvalasafnið einnig á fræðslugildi hvalaskoðunarferða sem farnar eru frá Húsavík og víðar.