Bandaríska ferðaskrifstofan Abercrombie & Kent afhenti Hvalasafninu í dag styrk úr góðgerðasjóði sínum að fjárhæð 7.000 dollara eða tæplega 1 milljón króna. Þetta er fjórða árið í röð sem ferðaskrifstofan velur að styrkja safnið. Á síðasta ári var styrkurinn notaður til uppbyggingar á steypireyðargrindinni á safninu og í ár verður styrkurinn notaður til áframhaldandi vinnu við steypireyðarsýninguna. Við afhendingu styrksins í Hvalasafninu í dag voru um 170 gestir mættir á vegum ferðaskrifstofunnar. Gestirnir komu til Húsavíkur með skemmtiferðaskipinu Le Boreal. Hvalasafnið þakkar Abercrobie & Kent stuðninginn og þann velvilja sem safninu er með þessu sýndur.
