Viðburðarrík vika að baki í Hvalasafninu

Sem hluti af Connecting Coastal Communities verkefninu, sem Hvalasafnið vinnur nú í samstarfi við New Bedford Whaling Museum, fengu þátttakendur verkefnisins heimsókn frá New Bedford síðastliðinn sunnudag. 6 nemendur og 2 starfsmenn safnsins í New Bedford sóttu safnið og nemendurna heim og má segja að ferðin hafi verið viðburðarrík.

 

IMG_2330 (2)

Hópurinn við Perluna

Húsvíski hópurinn lagði í hann suður sunnudaginn 17. apríl til að taka á móti hópnum frá New Bedford, þar sem þau m.a. heimsóttu Whales of Iceland hvalasýninguna, Bandaríska sendiráðið og litu við á öðrum markverðum stöðum eins og Hallgrímskirkju, Perlunni og Hörpunni.

 

2016-04-18 11.39.32

Myndstyttur

Þegar heim var komið fengu þau leiðsögn um bæinn, heimsóttu skrifstofu Norðurþings þar sem vel var tekið á móti þeim með gjöfum og góðu spjalli, Sif tók á móti þeim í Safnahúsinu og gaf þeim góða leiðsögn um sögu Þingeyjarsýslu.

 

2016-04-19 12.09.53

Góðar móttökur á skrifstofu Norðurþings

Um kvöldið var svo haldið eins konar fjölskyldu-menningarkvöld, þar sem foreldrar Húsvísku nemendanna elduðu dýrindis krásir á íslenskan máta, eins og íslenska kjötsúpu, rúgbrauð með plokkfisk, flatbrauð með silung og hangikjöti og kleinur og pönnukökur með kaffinu. Þangað komu fjölskyldur nemendanna og starfsfólks safnsins saman, en þar að auki kíkti sveitastjórinn Kristján Þór Magnússon við og átti góða stund með hópnum.

 

2016-04-19 20.24.55

Hópurinn frá New Bedford með Kristjáni Þór sveitarstjóra

Á miðvikudeginum kynnti hópurinn verkefnið fyrir nemendum og starfsfólki FSH, fór í Hvalaskoðun og heimsókn í Fjúk Arts Center þar sem Marina Rees vinnur hörðum höndum að nýrri sýningu til uppsetningar í Hvalasafninu. Þá var íslenska sundvatnið prófað við góðan orðstír og hélt hópurinn kynningu á verkefninu á opnu húsi í Hvalasafninu um kvöldið.

 

2016-04-20 09.16.37

Nemendur kynna verkefnið í FSH

 

2016-04-20 13.24.40

Eftir vel heppnaða hvalaskoðun í fallegu vorðveðri

 

IMG_20160420_150728

Marina sýnir hópnum undirbúning sýningar sinnar í Hvalasafninu

 

Fimmtudeginum var eytt við Mýtvatn, þar sem kíkt var í sauðburð, á Grjótagjá, Víti og hinu frægu Jarðböð og um kvöldið buðu íslensku nemendurnir þeim erlendu í heimsókn á íslenskt heimili.

 

IMG_2479

Hluti hópsins í Jarböðunum við Mývatn

 

13043549_766256200177521_1596387369792076636_n

 

Heilt yfir viðburðarrík vika sem verður lengi í minnum höfð. Hóparnir tveir munu svo sjást aftur að rúmum mánuði liðnum, þegar hópurinn frá Húsavík leggur í hann til New Bedford.