Úthlutað hefur verið úr Safnasjóði 2016, en hltuverk Safnasjóðs samkvæmt safnalögum nr. 141/2011 er fyrst og fremst að efla starfsemi safna sem undir lög þessi falla.

Hvalasafnið á Húsavík hlaut að þessu sinni 2,2 milljónir króna í verkefnastyrki. Um er að ræða annars vegar styrk upp á 800.000 kr. til uppsetningar og útgáfu nýs upplýsingabæklings um safnið og hins vegar styrk upp á 1.400.000 kr. til uppsetningar á nýrri sýningu um hvalreka.

Hafist verður handa við sýningarvinnu í haust en búist er við að bæklingurinn komi út nú á vordögum.

Sjá nánar um styrkveitingar þessa árs á heimasíðu Safnaráðs