Það kemur líklega fáum á óvart að rigningardagar eru almennt góðir dagar fyrir söfn. Þá er ótalin norðanáttin sem bætist við, en í dag er einmitt þannig dagur.

Það er því óhætt að segja að metaðsókn hafi verið á safnið í dag, 1. júlí 2016, en um kl. 16 höfðu 350 gestir heimsótt safnið, en meðalfjöldi í júní var um 177 gestir á dag.

Flestir gestanna eru Þjóðverjar, en Bandaríkjamenn fylgja fast á eftir í fjölda. Þá hafa gestir frá alls 24 þjóðlöndum litið inn á safnið í dag.