Tvær langreyðar voru veiddar aðfaranótt 22. júní og marka þær upphaf hvalveiðivertíðar sumarsins 2026. Þetta eru fyrstu hvalirnir sem veiddir eru við Ísland í þrjú ár, en síðast var veitt árið 2023. Hvalveiðiskip Hvals hf. héldu til veiða í síðustu viku eftir tveggja vertíða hlé.
Endurkoma hvalveiða hefur vakið töluverða umræðu bæði innanlands og á alþjóðavettvangi. Á sama tíma hefur áhugi á lifandi hvölum aukist verulega á undanförnum áratugum, meðal annars í tengslum við rannsóknir, náttúruvernd og hvalaskoðun. Hvalaskoðun hefur orðið ein af mikilvægustu greinum ferðaþjónustu víða um land, þar á meðal á Húsavík þar sem tugþúsundir gesta koma ár hvert til að upplifa hvali í náttúrulegu umhverfi sínu.
Hvalasafnið á Húsavík leggur áherslu á fræðslu um hvali, lífríki hafsins og sögu samskipta manna og hvala. Á sýningum safnsins er fjallað um sögu hvalveiða við Ísland, þróun verndunarstarfs og aukið mikilvægi lifandi hvala fyrir vísindi, menningu og sjálfbæra ferðaþjónustu.
By Wolfgang Fricke – Own work, CC BY 3.0, https://commons.wikimedia.org/w/index.php?curid=112366352
