Robert C. Barber sendiherra Bandaríkjanna heimsótti Hvalasafnið í vikunni. Barber fundaði með starfsfólki Hvalasafnsins og hitti nemendur Framhaldsskólans á Húsavík sem tóku þátt í New Bedford samstarfsverkefninu sem fram fór fyrr á árinu. Auk þess var í Hvalasafninu haldinn sameiginlegur fundur með sendiherranum og stjórnendum hvalaskoðunarfyrirtækjanna á Húsavík. Barber var mjög áhugasamur um starfsemi fyrirtækjanna og var fundurinn gagnlegur fyrir alla þátttakendur.
