Fréttatilkynning frá Hvalasafninu vegna steypireyðarinnar

Hvalasafnið á Húsavík fagnar þeirri ákvörðun að safnið fái til sýningar bein steypireyðargrindarinnar sem rak á Skaga 2010. Allt frá því grindina rak á land hefur Hvalasafnið  og tengdir aðilar lagt sitt að mörkum til að varðveita mætti beinin svo hægt yrði að setja þau upp til sýningar og fræðslu um þetta stærsta spendýr jarðar. Þennan tíma hefur legið fyrir áhugi safnsins til að hýsa beinagrindina og nýta til sýningar sinnar á hvölum, líffræði þeirra og tengslum við manninn. Á undanförnum árum hefur Hvalasafnið á Húsavík unnið mikið starf við undirbúning komu grindarinnar og er meðal annars gert ráð fyrir viðbyggingu við safnið sem myndi hýsa hana.

Helstu rök fyrir því að Hvalasafnið á Húsavík er valinn áfangastaður grindarinnar er að:

  • Hvalasafnið á Húsavík er viðurkennt safn, sbr. ákvæði safnalaga, og eina sérhæfða hvalasafnið á Íslandi.
  • Safnið er með sterkan rekstur og starfsemi auk þess að vera eitt vinsælasta safn landsins.
  • Hvalasafnið, í samstarfi við Rannsóknarsetur Háskóla Íslands á Húsavík, hefur unnið einstakt frumkvöðlastarf við rannsóknir og fræðslu til almennings um lífríki hvala við Ísland.
  • Húsavík er einn af þekktustu hvalaskoðunarstöðum í heimi og sjást m.a. steypireyðar reglulega á Skjálfandaflóa. Steypireyðargrind í Hvalasafninu mun því skapa einstakt tækifæri til fræðslu á tegundinni í návígi við lifandi dýr.
  • Tilkoma grindarinnar mun styrkja ferðaþjónustuna á öllu Norðausturlandi.

Hvalasafnið fyrirhugar að setja upp bráðabirgða sýningu á beinum úr grindinni í núverandi sýningu fyrir næsta sumar. Þá mun safnið vera í nánu samstarfi við Náttúrufræðistofnun, sem á grindina, um meðhöndlun hennar.

Þessi grind er mikill hvalreki fyrir Hvalasafnið og framundan eru spennandi tímar þar sem leitast verður eftir fremsta megni að vinna að málinu í sátt við alla hagsmunaaðila.

Facebook
Twitter
LinkedIn

More to explorer

Kvikmyndahátíð í Hvalasafninu

Dagana 18. og 19. ágúst næstkomandi verður kvikmyndahátíðin Ocean Films Húsavík haldin hátíðleg í Hvalasafninu. Hátíðin sem er samstarfsverkefni Hvalasafnsins og sjávarverndunarsamtakanna

white beaked dolphin

Hnýðingur í Hvalasafnið

Hvalasafninu á Húsavík barst heldur betur dýrgripur nú á dögunum þegar að hnýðingur (white-beaked dolphin) bættist í hóp beinagrinda safnsins. Þetta er

Litið yfir árið 2021

Aðalfundur Hvalasafnsins fór fram í síðustu viku þar sem ársreikningur 2021 var lagður fram til samþykktar og farið yfir starfsemi safnsins á

Lokað er fyrir athugasemdir.