Undirskrift leiðbeinandi reglna fyrir ábyrga hvalaskoðun

Vinnufundur á vegum Hvalaskoðunarsamtaka Íslands, IceWhale, var haldinn dagana 19. og 20. febrúar síðastliðinn. Er fundurinn hluti af röð vinnufunda á vegum IceWhale sem styrkt er af Bandaríska sendiráðinu á Íslandi og kemur röðin til í kjölfar fræðsluferðar sem utanríkisráðuneyti Bandaríkjanna stóð fyrir í vor, en þar voru fulltrúar Hvalasafnsins meðal þátttakenda.

Vinnufundirnir voru afar áhugaverðir og fjölluðu erindin flest um það hvernig bæta má gæði hvalaskoðunar við Ísland, með tilliti til gesta, bátaumferðar og dýranna sjálfra. Meðal gestafyrirlesara var hin virta Carole Carlsson,  sérfræðingur hjá Provincetown Center for Coastal Studies, forstöðumaður rannsókna- og fræðsludeildar Dolphin Fleet og ráðgjafi hjá Alþjóðahvalveiðiráðinu. Hún deildi reynslu sinni af starfi við hvalaskoðun og hvatti aðila IceWhale til að halda áfram faglegu starfi í þágu greinarinnar.

Í lok fundarins skrifuðu félagar í IceWhale undir formlega yfirlýsingu um leiðbeinandi reglur fyrir ábyrga hvalaskoðun, við hátíðlega athöfn og voru meðal gesta Ragnheiður Elín Árnadóttir ráðherra ferðamála, Robert C. Barber sendiherra Bandaríkjanna á Íslandi auk Stuart Gill, sendiherra Bretlands á Íslandi. Fundarstjórar voru Ásbjörn Björgvinsson stofnandi Hvalasafnsins og María Gunnarsdóttir starfsmaður IceWhale.

Áætlað er að næsti fundur raðarinnar verði haldinn á Húsavík og þess má geta að hið undirritaða skjal er nú komið til varðveislu á Hvalasafninu á Húsavík.

Hér má sjá Huld Hafliðadóttir, verkefnastjóra safnsins, með undirskriftirnar.

Share on facebook
Facebook
Share on twitter
Twitter
Share on google
Google+
Share on linkedin
LinkedIn

More to explorer

Uppfærsla á sýningu.

Í dag var listasýning eftir myndlistarkonuna Renata Ortega tekin niður úr sýningarsal Hvalasafnsins. Listasýningin var sett upp um mitt sumar 2018 og

Lindi með viðurkenningu frá Hvalasafninu eftir sinn síðasta stjórnarfund

Lindi hættur sem formaður Hvalasafnsins

Í nóvember síðastliðnum var tilkynnt að stjórnarformaður Hvalasafnsins á Húsavík, Þorkell Lindberg Þórarinsson hefði verið ráðinn nýr forstjóri Náttúrufræðistofnunnar Íslands. Þorkell, eða

Sumarlok

Aðsókn í Hvalasafnið á Húsavík í sumar var framar vonum en rétt um 11.500 þúsund gestir heimsóttu safnið í júní, júlí og

Lokað er fyrir athugasemdir.